Matthew 1
Nia maadua mmaadua o Jesus Christ
(Luke 3.23-38)
1Deenei di hagatau o nia maadua mmaadua o Jesus Christ, di hagadili a David, di hagadili mai Abraham. 2Deenei di hagatau o nia maadua mmaadua mai Abraham, ga dae gi king David:Abraham tamana o Isaac,
Isaac tamana o Jacob,
Jacob tamana o Judah mo ono duaahina daane,
3Judah tamana o Perez mo Zerah (di nau dinana go Tamar),
Perez tamana o Hezron,
Hezron tamana o Ram,
4Ram tamana o Amminadab,
Amminadab tamana o Nahshon,
Nahshon tamana o Salmon,
5Salmon tamana o Boaz (dono dinana go Rahab),
Boaz tamana o Obed (dono dinana go Ruth),
Obed tamana o Jesse,
6Jesse tamana o king David.
Di hagatau o nia maadua mmaadua i muli king David ga dae loo gi digau Israel ala ne lahi gi Babylon:
David tamana o Solomon mai di lodo Uriah,
7Solomon tamana o Rehoboam,
Rehoboam tamana o Abijah,
Abijah tamana o Asa,
8Asa tamana o Jehoshaphat,
Jehoshaphat tamana o Sehoram,
Sehoram tamana o Uzziah,
9Uzziah tamana o Jotham,
Jotham tamana o Ahaz,
Ahaz tamana o Hezekiah,
10Hezekiah tamana o Manasseh,
Manasseh tamana o Amon,
Amon tamana o Iosaia,
11Iosaia tamana o Jehoiachin mo ono duaahina daane, i di madagoaa digau Israel ne lahi gi Babylon. a
12Di hagatau o nia maadua mmaadua i muli di nadau lahi gi Babylon, ga dae gi di haanau Jesus Christ:
Jehoiachin tamana o Shealtiel,
Shealtiel tamana o Zerubbabel,
13Zerubbabel tamana o Abiud,
Abiud tamana o Eliakim,
Eliakim tamana o Azor,
14Azor tamana o Zadok,
Zadok tamana o Achim,
Achim tamana o Eliud,
15Eliud tamana o Eleazar,
Eleazar tamana o Matthan,
Matthan tamana o Jacob,
16Jacob tamana o Joseph. Joseph ne hai dono lodo gi Mary, go tinana o Jesus, dela e haga ingoo bolo Mesaia.
17Malaa, nia adu daangada i muli o Abraham ga dae gi David e madangaholu maa haa. Nia adu daangada i muli o David ga dae gi di lahi gi Babylon e madangaholu maa haa. Nia adu daangada mai di lahi gi Babylon ga dae gi di haanau o di Mesaia e madangaholu maa haa.
Di haanau o Jesus Christ
(Luke 2.1-7)
18Deenei di haanau o Jesus Christ. Dono dinana go Mary ne hagababa ang gi Joseph, gei meemaa digi haga hai lodo. Mary gu iloo bolo ia gu hai dama i di Hagataalunga Dabu. b 19Joseph taane hai hegau donu, hagalee hiihai e hagahuaidu Mary i mua nia daangada, ga hagamaanadu bolo ia ga haga lawa hua di nau hagababa la hagammuni. 20I dono hagamamaanadu hua beenei, tangada di langi o Tagi ga hanimoi i lodo di midi, ga helekai, “Joseph, tangada mai di hagadili a David, goe hudee madagu di lahi a Mary e hai doo lodo, idimaa, mee e hai dama i di Hagataalunga Dabu. 21Mee ga haanau dana dama daane, gei goe ga wanga dono ingoo go Jesus ▼, dono hadinga bolo mee ga haga dagaloaha ana daangada gi daha mo nadau huaidu.” d 22Nia mee huogodoo aanei ne belee haga kila aga nia helekai Dimaadua ang gi soukohp bolo gi haga iloo ina,23“Tama ahina madammaa ga hai dama, ga haanau dana dama daane, ga haga ingoo bolo Immanuel, dono hadinga boloo, God e madalia gidaadou.” e
24Joseph ga ala aga, ga lodo gi Mary gi hai be nia helekai tangada di langi o Tagi. 25Malaa, Joseph digi haga gila ina di hiihai o taga hai lodo gi Mary i mua di haanau dana dama. Gei Joseph ga wanga di ingoo o maa go Jesus. f
Copyright information for
KPG